د عمومي څانګي پېژندنه

بسم الله الرحمن الرحیم

عمومي څانګه د وترنري علومو پوهنځي په اداري جوړښت کې یوه مسلکي ـ تخصصي او غیر فارغ‌ ورکوونکې څانګه ده، چې د پریکلنیکي علومو، حیواناتو روزنې، د حیواني محصولاتو ټکنالوژۍ او حفظ‌الصحې په برخو کې د محصلینو د مسلکي روزنې لپاره د اړوندو تخصصي مضامینو د تدریس مسؤلیت پر غاړه لري. یاده څانګه د یادو شوو برخو د مسلکي مضامینو د درسي کریکولم د تطبیق، د نظري او عملي تدریس د تنظیم، د درسي بهیر د مدیریت، ارزونې او څارنې مسؤلیت لري. عمومي څانګه هڅه کوي چې د محصلینو د مسلکي وړتیاوو د لوړولو، د نظري او عملي زده کړو د پیاوړتیا، د مهارتونو د پراختیا او د علمي فکر د ودې لپاره مناسب تحصیلي چاپېریال رامنځته او د اغېزمن مدیریت له لارې د روزنې کیفیت لوړ کړي.
عمومي څانګه اوس مهال د پنځو (۵) علمي کادرونو په لرلو سره، د ټاکل شوو موخو د ترلاسه کولو په موخه د منظم کاري پلان، لنډمهاله او اوږدمهاله پلانونو، نافذه قوانینو او اړوندو طرزالعملونو په رڼا کې خپلو فعالیتونو ته دوام ورکوي.

دغه څانګه د محصلینو د مسلکي روزنې تر څنګ، د معیاري څېړنیزو پروژو د طرحې، پراختیا، تطبیق او د پایلو د خپرولو، د اړوندو برخو په اړه د ټولنې د عامه پوهاوي لوړولو، د مسلکي مهارتونو د پیاوړتیا، او د عامې روغتیا د خوندیتوب او ملاتړ په برخه کې فعاله ونډه لري.
عمومي څانګه په ځانګړې توګه د کرنې او مالدارۍ له سکتورونو سره د پالیسۍ جوړونې، ستراتیژیو، مقرراتو، کړنلارو، لارښوونو، سروې ګانو او څېړنیزو پروژو په برخو کې همکاري او تخنیکي ملاتړ کوي. همدارنګه، د عامې روغتیا له بنسټونو سره د زونوزي ناروغیو، د خوړو د خوندیتوب، د حیواني محصولاتو ټکنالوژۍ او حفظ‌الصحې په برخو کې لازمې علمي او مسلکي همکارۍ ترسره کوي.
 

لرلید

عمومي څانګه د مسلکی مهارتونو د تدریس له لارې د مسلکی او ژمن وترنر داکترانو د روزلو او د علمي څیړنو تر سره کولو  په برخه کې یو پیژندل شوی او مخکښ علمي رول لوبوي.

 

رسالت

د وترنري علومو پوهنځۍ عمومي څانګه د نړیوالو اکاډمیکو معیارونو پر بنسټ د محصلینو د مسلکي- تخصصي  روزنې، ټولنې ته د مسلکی او ژمن وترنر داکترانو د وړاندې کولو، د علمي څیړنیزو فعالیتونو په اجرا او په ټولنه کې د عامه روغتیا په پیاوړتیا کې د یو کلیدی مرستندویه بنسټ په توګه یو فعال او اغیزمن رول لوبوي. 

 

موخي

•    د معیاري او اغیزمن تدریس له طریقه د مسلکی وترنر داکترانو روزنه
•    د  مسلکي مهارتونو پیاوړتیا لپاره په دوامداره توګه د کریکولم او اکادمیکو پلانونو ارزونه
•     د نوښتي علمي تحقیقاتو انکشاف او تطبیق له لارې ستونزو ته د مناسبو حل لارو پیدا کول.
•    د غذایي موادو د مصونیت او وترنري مسلک نقطه نظره د عامې روغتیا د تامین په موخه د ټولنې په عامه اګاهۍ کې فعاله برخه اخیستنه.
 

کمېټې

 

 

د ستراتیژیک پلان خلاصه

د عمومي څانګی ستراتیژیک پلان موخه دا ده چې د ټاکل شوو پنځو کلونو (۱۴۰۵-۱۴۰۹) په جریان کې په تدریسي، اداري، څیړنیزو او عملي برخو کې غوښتني پوره او د پراختیا لپاره چاپیریال برابر کړي.
ستراتیژیک پلان په خپل ترکیب کې د استادانو  او کارمندانو د ظرفیت لوړوني،  لابراتواري او تدریسي تعمیراتي او لوجستیکي اسانتیاوو،  همدارنګه په ټولنه کې د محصلینو او مسلک  د رول د لا پیاوړتیا او خدماتو وړاندې کولو لپاره لازم لید لوری او پلانونه وجود لري.
 

عملیاتي پلانونه

د وترنری علومو پوهنځی عمومي څانګه یادو موخو ته د رسیدو په منظور د سترا تیژیک پلان په پام کی نیولو سره لاندی فعالیتونه پلان شوي دي
•    لنډ مهاله او او ږد مهاله پلانونو، کور پالیسیو او تدریسي پلانونو ترتیب او تنظیم
•    د تدریسي او ټولو علمی او عملي چارو تنظیم، مدیت او نظارت
•    د پوهنخۍ د حیواني روغتیا کلینیک د احداث او تجهیز چارو تعقیب او تنظیم
•    د تحقیقاتي فارمونو د تجهیز له پروسې سره همکاري
•    نورو دیپارتمنتونو، پوهنځۍ او پوهنتون سره په ټولو امورو کې همغږي او همکاري ساتل
 

د کړنو لنډ راپور

د وترنری علومو پوهنځی عمومي څانګه یادو موخو ته د رسیدو په منظور د سترا تیژیک پلان په پام کی نیولو سره لاندی عمده او کلیدي فعالیتونه ترسره کړی.
•    لنډ مهاله (سمستر واره) او اوږد مهاله (کلنی)  پلانونه، کروس پالیسي او تدریسي پلانونه،....
•    په ټولګیو کي د استادانو د تدریسی بهیر ارزونه
•    تدریسی چارو تنظیم 
•    یو تن د دوکتورا لپاره مالیزیا هیواد او دوه تنه د ماستري لپاره د هیواد په داخل کې معرفي شوی دي.
•    د حیواني کلینیک د احداث لپاره هلې ځلې کوم چې تر ډیره یي کارونه مخ ته تللي دي.
•    تحقیقاتي فارمونو احداث شوي او د هغوی د تجهیز لپاره هلې ځلې ادامه لري
•    په اداري او تنظیمی کمیټو کې فعاله ګډون او د اجرا لپاره فعالیتونه تر سره شوي دي.
•    د دوو دیپارتمنتونو نوی احداث شوی او 8 کادري بستونه ورته اخیستل شوي او د کادري کسانو  د ګمارنې لړۍ روانه ده.
•    په 1404 کال کې تقریبا 15 څیړنې مروري او اصلي تحقیقات تر سره  او په نړیوالو ژرنالونو کې نشر شوی دي.
 

د محصلانو شمېر
د استادانو شمېر
۵ تنه
برحال استادان
شمېره	د استاد نوم	تخلص	دنده	د تحصیل درجه	علمي رتبه	څانګه	د اړیکو شمېره	ایمیل ادرس
1	امین الله	نور	استاد/ د څانګي آمر	دوکتورا	پوهندوی	عمومي	۹۳۷۰۰۱۸۸۷۱۶+	a.nnoor@anastu.edu.af aminullah.noor18@gmail.com
2	محمد نعیم	عزیزي	استاد	دوکتورا	پوهنمل	عمومي	۹۳۷۰۴۵۸۱۴۰۳+	naimazizi83@gmail.com
3	احمدالله	ظاهر	استاد	ماستر	پوهندوی	عمومي	۹۳۷۰۸۷۱۲۶۸۹+	ahzahir.af@gmail.com
4	رحیم الله	امرخیل	استاد	لیسانس	پوهنمل	عمومي	۹۳۷۰۸۳۳۶۱۰۱+	rahimullahamarkhil260@gmail.com
5	محبوب الله	احمدي	استاد	ماستر	پوهنیار	عمومي	۹۳۷۰۶۴۸۶۸۵۲+
د اړیکو شمېره
۹۳۷۰۰۱۸۸۷۱۶+
ایمیل ادرس
a.nnoor@anastu.edu.af aminullah.noor18@gmail.com

په درنښت

د وترنري علومو عمومي څانګه