دافغانستان دکرنیزو علومو او ټکنالوژي ملي پوهنتون د رئیس پیغام!

 

2 میاشتې 2 اونی ago

﷽

السَّلامُ عَلَيْكُم ورَحْمَةُ اللهِ وَبَرَكاتُهُ!

د افغانستان د کرنیزو علومو او ټکنالوژي ملي پوهنتون (اناســټو) چي په ۱۳۹۱_{ه ش} په اشرف البلاد کندهار کی تأسیس سوې دهیواد په کچه یوازینی زراعتي پوهنتون دی چي د لیسانس او فوق لیسانس برنامو په لرلو سره د کرهڼي او مالدارۍ اړوند د تدریس، تحقیق او ترویج برخو کي فعالیت لري ترڅو د ســترو اهدافو لکه د خوړو له اړخه د هیواد په ځان بســــایني، شین انقلاب او ملي اقتصاد پیاوړتیا کې د الله تعالی په نصرت سره عمده رول ولوبوي.

اناســــټو پوهنتون په دوامداره توګــه هڅه کـوي چي په راتلونکي کي د مســــلکي او لوړ رتبه استــــادانو، علمي برنامو او څیړنو، د زده کړې غوره او پرمختللي چاپیـــریال، نړیوالو علـــمي او مسلکي توامیتونو او محــصلینو ته دغوره خدمتونو وړاندې کولو په مرســـته په ملي، سیــــمه یېزه او نړیواله کچه ځانګــړی باور او اعتبار ترلاسه کړي. دا چې د یوه ملت هر اړخیز پرمختګ او وده د هغه ملت د لوړو زده کړو په پیاوړي ســېـسـتم پوري اړه لري نو د پوهنتون رهبري ژمنه ده چې د علمي پروګــرامونو لاپــیاوړتـیا، پراختـیا او معــیاري کیدو لپاره به دوامدارې هلې ځلې کوي.

د اناسټو پوهنــتون اداره ژمنــه ده چي دلوړ علمــي اعتبار، مسلکي ټیم او ژمنتیا په لرلو سره د خپل محـصـلینو وړتــیاوو ته وده وړکړي او دوی د نړۍ په چټک بدلیـــدونکي چاپیریــال کې د ژوند کولو لپاره په کافي اندازه ســمبال کړي. انشــاءالله موږ باوري يو، چي اناسټو پوهــنتون به د هـــــیواد او ســیمې په کچه د علمـــي کادرونو غوره مـرکـز وې او د خپــلو کادرونو په مټ به و کولی شې چي د هيواد چټک پرمختګ، خوړو لــه اړخــه بســـایني او د ملي اقتصاد پیاوړتیا را منځته کولو کې اړینه ونډه ولوبوي.

د یو پر ځان بسیا، پرمختـــللي او ښیراز افغانـســــتان په هیله!