د انسټو پوهنتون نوي مالي او اداري مرستیال د یاد معاونيت د اداري کارکوونکو او آمرانو سره د همږغۍ ناسته وکړه
د افغانستان د کرنيزو علومو او ټکنالوژۍ په ملي پوهنتون کي د مالي او اداري چارو نوي مرستیال، محترم روحالله مشال صاحب، په خپل کاري دفتر کي د اداري کارکوونکو او آمرانو سره د همږغۍ ناسته وکړه
ناسته چي د قرآن کریم د څو مبارکو آیاتو په تلاوتولو پیل سوه، وروسته د مالي او اداري چارو نوي مرستیال، محترم روحالله مشال صاحب ټولو ګډونوالو ته ښه راغلاست ووایه او د خپلو خبرو په شروع کي ئې د ګډنوالو سره لنډه پېژندنه وکړه. هغه د اطاعت، مسئولیتپالني او د سالم اداري نظم د ساتلو په اړه مهمي او هر اړخیزي سپارښتني وکړې او زیاته ئې کړه، چي د ادارې د بریا بنسټ، په همغږي، شفافیت او د چارو په وخت ترسره کولو پوري تړلۍ دی
ښاغلي مشال په ټینګار سره وویل؛ چي د ادارې د ښه سمون او منظم کار بهیر له پاره اړینه ده، چي هر کارمند د خپل ټاکلي مسئولیت په ترسره کولو کي پوره - پوره پاملرنه ولري او یو د بل سره پوره همږغي ولري، اداري چاري باید د سرعت، نظم او امانت پر بنسټ پر مخ ولاړي سي؛ ترڅو د پوهنتون د کار پروسه لا اغېزمنه سي.
د ناستي په پای کي ګډونوالو خپل نظرونه، وړاندیزونه او د کار اړوند خپلي تجربې شریکي کړې. وروسته ناسته د دؤعا په ويلو سره پای ته ورسېده.
۱۴۴۷ / ۰۶ / ۱۰
د اطلاعاتو، نشراتو او عامه اړيکو آمریت
