حیواني علومو پوهنځۍ پېژندنه

 

د حیواني علومو پوهنځۍ د افغانستان د کرنیزو علومو او ټکنالوژۍ ملي پوهنتون د ایجاد سره سم د (۴۰۲/۱۱۷۲) حکم په ۲۰/۱۰/۱۳۹۱ نېټه د پوهنتون په اکاډمیک تشکیل کې ځای پر ځای شوې ده. د دې پوهنځۍ له پیل سره سم څلور څانګې (د حیواناتو اصلاح او روزنه، وترنري، د حیواني محصولاتو ذخیره او پروسیس، او د مرغانو، ماهیانو او شاتو مچیو روزنه) رسماً منظور شوې.

د وخت د مسؤلینو له خوا د لوړو زده کړو وزارت ته د منظوري اخیستلو په موخه د (۱۱۱/۲۲۷) حکم په ۱۲/۲/۱۳۹۷ نېټه د مالدارۍ څانګه د ماسټري په کچه منظور شوه او د محصلانو د جذب حکم صادر شو. د همدې حکم له مخې، په ۱۳۹۷ کال کې د کانکور له لارې ۱۰ تنه محصلان د ماسټري پروګرام ته جذب شول. د یاد پوهنځي ګڼ شمېر استادان د ماستري او دوکتورا سندونو د ترلاسه کولو لپاره دننه او بهر هېوادونو کې په لوړو زده کړو بوخت دي. د همدې تفاهم له مخې، یاد محصلان د ۱۳۹۸ کال د میزان په میاشت کې د هند هېواد د IVRI (Indian Veterinary Research Institute) ته واستول شول.

د خوښۍ ځای دی چې د حیواني علومو پوهنځي وترنري څانګه د وترنري علومو پوهنځي ته ارتقا وکړه. د لوړو زده کړو وزارت د عالي شورا د (۵) حکم په ۱۵/۷/۱۳۹۸ نېټه او د (۱۰۶۵) حکم په ۵/۸/۱۳۹۸ نېټه د ۲۱ بستونو (کادري، اداري، فني، محافظتي او خدمتي) په درلودلو سره د وترنري علومو پوهنځی د پوهنتون په چوکاټ کې رسماً منظور شو.

په ۱۳۹۹ کال کې د کندهار پوهنتون د کرنې پوهنځي د لیسانس په کچه د انتقال او ادغام په پایله کې د مالدارۍ څانګه د حیواني علومو پوهنځي د ماسټري څانګې سره یو ځای شوه. اوس مهال د مالدارۍ څانګه د لیسانس او ماسټري په کچه برنامې پر مخ وړي.

 

لرلید

د حیواني علومو پوهنځی به د سیمې او نړۍ په کچه د معیاري محقیقینو په روزنه کې لوړ مقام ولري.

رسالت

په عصري ټکنالوژۍ سمبال تدریسي، علمي، څېړنیز او ترویجي چاپېریال برابرول او ټولنې ته د حیواني علومو سکتور د پیاوړتیا لپاره په ښه کمیت او کیفیت خدمتونه وړاندې کول.

هدف

پوهنځی غواړي د څېړونکو د روزنې په موخه داسې علمي او څېړنیز میتودونه او مهارتونه په کار واچوي چې په سیمه ییزه او نړیواله کچه د مالدارۍ سکتور د اصلاح او پیاوړتیا لپاره ګټور واقع شي.

ارزښتونه

• وطن پالنه د یوې سپیڅلې اسلامي روحیې په شتون سره
• معیاري او باکیفیته لوړې زده کړې
• د څېړنې بډاینه
• سالمه اداره او اغېزمنه رهبري
• اکاډمیکه آزادي
• حساب ورکونه
• شفافیت او د فساد مخنیوی
• د هر ډول تبعیض څخه ډډه کول

 

ښوونیزې موخې

• د مالدارۍ، د حیواناتو اصلاح او روزنې، د حیواني محصولاتو ذخیره او پروسیس، او د الوتونکو، ماهیانو او شاتو مچیو روزنې په برخو کې د ظرفیتونو روزنه.
• د حیواني علومو او تولیداتو په اړه د باکیفیته څېړنو ترسره کول.
• د حیواني محصولاتو د کمیت او کیفیت پیاوړتیا.
• د حیواني علومو په برخه کې معیاري څېړنې.
• د حیواني محصولاتو لپاره د محلي نسلونو اصلاح.
• د انساني ټولنې او حیواناتو ترمنځ د اړیکو پیژندل او عامه پوهاوی.
• په ملي او نړیواله کچه له اړوندو ادارو سره هماهنګي.

لومړی جدول

شماره	څانګه	پروګرام	تحصیلي دوره	د فارغ التحصیل محصلانو تعداد	د فراغت کال
۱	مالداري	ماستري	لومړی	۹	۱۴۰۰
۲		لیسانس	لومړی	۲۹	۱۴۰۰
۳			دوهمه	۱۶	۱۴۰۱
۴			دریمه	۱۸	۱۴۰۲
۵			څلورمه	۱۵	۱۴۰۳
۸	د حیواني محصلاتو ذخیره او پروسيس	ماستري	برنامه فعاله نده	فارغ محصلان نلری	۰
۹		لیسانس	برنامه فعاله نده	فارغ محصلان نلری	۰
۱۰		ماستري	برنامه فعاله نده	فارغ محصلان نلری	۰
۱۱		لیسانس	برنامه فعاله نده	فارغ محصلان نلری	۰
۱۲	د حیواناتو نسل اصلاح او روزني څانګي	ماستري	برنامه فعاله نده	فارغ محصلان نلری	۰
۱۳		لیسانس	برنامه فعاله نده	فارغ محصلان نلری	۰
مجموعه				۸۷

 تحصیلی سوابق

د حیواني علومو پوهنځی د تدریسي، علمي، عملي او نظري فعالیتونو لپاره ۱۴ تنه استادان لري. له دې جملې څخه ۷ تنه د ماسټري او ۷ تنه د لیسانس سندونه لري. همدارنګه ۵ تنه استادان د ماسټري په پروګرام کې په زده کړو بوخت دي.

دوهم جدول:

شماره	د تحصیلي رتبو په تفکیک سره د حیوانی علومو پوهنځۍ د برحاله استادانو او محصلان شمیر
۱	لیسانس	۷
۲	ماستر	۷
۳	دوکتور	۰
۴	ماستری محصلان	۹
۵	لیسانس محصلان	۴۷

 

اول ګراف: د برحاله محصلانو او استادانو احصایه

دریم جدول: د علمي کادرونو علمي رتبې او د موجود محصلینو احصائیه

ګڼه	رتبه	تعداد
۱	پوهاند	۰
۲	پوهنوال	۱
۳	پوهندوي	۰
۴	پوهنمل	۲
۵	پوهنیار	۳
۶	نوماند پوهنیار	۸
۷	پوهیالی	۰
ټول شمېر		۱۴
۸	ماستر محصلان	۹
۹	لیسانس محصلان	۴۷
ټول شمېر		۵۶

 

د حیواني علومو پوهنځي فعالې څانګې

• مالدارۍ
• د حیواني محصولاتو ذخیره او پروسیس
• د حیواناتو نسل اصلاح او روزنه
• د الوتونکو، ماهیانو او شاتو مچیو روزنه