اناسټو پوهنتون کي د (OBE-SCL) لس ورځنی ښوونیز ورکشاپ
![ANASTU](/sites/default/files/2024-07/whatsapp_image_2024-07-14_at_2.25.24_pm.jpeg)
اناسټو پوهنتون کي د (OBE-SCL) لس ورځنی ښوونیز ورکشاپ جوړسو.
د شنبې په ورځ د ۱۴۰۳/۴/۲۳ نېټه دافغانستان دکرنیزو علومو او تکنالوژي ملي پوهنتون مرکزي کمپس کي د مسلکي پرمختيايي مرکز «PDC» په نوښت دپايلو پر بنسټ دښوونې / روزنې او محصل محوره زدکړو لس ورځنی ورکشاپ جوړ سو.
ورکشاپ د قرآن عظيم الشان دڅو مبارکو آياتونو په تلاوت سره پيل سو.
په پيل کي د اناسټو پوهنتون علمي مرستيال پوهنيار ثناءالله ارغستاني د ورکشاپ روزونکو پوهنمل محمد قاسم عادل او پوهنمل عطاالله محمدي ته ښه راغلاست ووايه او مننه يي ورڅخه وکړه چي د روزونکو په صفت يي اناسټو پوهنتون ته تشریف راوړی دی همدارنګه يي د پايلو پر بنسټ او محصل محوره زدکړو پر اهمیت او په تحصیلي بنسټونو کي د هغوی پر تطبيق ګډونوالو ته وينا وکړه او له ګډونوالو څخه يي د فعال ګډون غوښتنه وکړه ترڅو په پايله کي د عنعنوي زدکړه ييزو رويشونو ځای د فعالي زدکړي ميتودونه ونسي او ټولني ته د غوښتنې مطابق مسلکي او په کار پوه اشخاص وړاندي سي.
وروسته روزونکي پوهنمل محمد قاسم عادل د ورکشاپ پر ارزښت، اهميت او ګټو هراړخیزه وينا وکړه.
په ياد ورکشاپ کي به داناسټو پوهنتون ۴۴ تنه کادري غړي ګډون ولري او ۱۴۴۶/۱/۷ نېټې څخه د ۱۴۴۶/۱/۱۶ نېټې پورې دوام وکړي.
دنشراتو آمريت
۱۴۴۶/۱/۸. ۱۴۰۳/۴/۲۴