اناسټو پوهنتون کي د علمي شورا غونډه جوړه سوه.

اناسټو پوهنتون کي د علمي شورا غونډه جوړه سوه.
دافغانستان دکرنیزو علومو او تکنالوژي ملي پوهنتون دعلمي شورا غونډه نن يکشنبه دپوهنتون د رئیس الحاج سيد محمد داؤد آغا هاشمي په مشري جوړه سوه.
په غونډه کي دپوهنتون مرستيالانو ، د پوهنځيو رئیسانو، مشرانو استادانو او آمرينو ګډون کړي وو
غونډه دقرآن کریم دڅو مبارکو آياتونو په تلاوت سره پيل سول. ښاغلي هاشمي دغونډي گډونوالوته ښه راغلاست ووايه او زياته يې کړه خوشحاله یم چي يو ځل بيا دپوهنتون د بهبود او ستونزو دحل په موخه دهمدې نهاد دعلمي کادرونو سره ګډون لرم، ورپسې يې د امارتي پوهنتونونو د رئيسانو سره د وزارت مقام د ليدني، د وزارت محترم مقام سره دپوهنتون د ستونزو/ وړانديزونو د شريکولو، د پوهنتون اړوند د پرمختيايي ملي شرکت سره د ليدنې، د نړيوال اسلامي پوهنتون سره د هوکړه ليک د لاسليکولو اړوند معلومات د ګډونوالو سره شريک کړل 
وروسته داجنډا سره سم د تيرو کړنو په تعقیب باندي لنډ بحث وسو او د علمي ترفيعاتو او انفکاک اسنادو په کتنه او تائيد، د ماستري برنامو د نوم ليکنې دوخت په تمديد، د ماستري برنامو د دايريدو پر وخت، دکيفيت د لوړاوي د لومړي پړاو د بريا پر لمانځغونډه، داستادانو پر تبديلی او يو شمير متفرقه مسايلو مفصل بحث او لازمي پريکړې و سوې. او همدارنګه د نهاد د ارزوني پايلي د ګډونوالو سره شريکي سوې.
په پای کي غونډه د دعا په ويلو پای ته ورسېده.
۱۴۴۶/۱/۲۲.                                    ۱۴۰۳/۵/۷
دنشراتو آمريت