د علمي برنامو د دوره یي بیا کتني او کلني څار ورکشاپ وړاندي سو.

د افغانستان د کرنیزو علومو او ټکنالوژۍ ملي پوهنتون (اناسټو) کي د علمي برنامو د دوره يي بیا کتني او کلني څار ورکشاپ د کیفیت لوړاوي آمریت له لوري د مسلکي او پرمختیایي مرکز د غونډو په تالار کي تر سره سو چي د ټولو پوهنځیو رئیسانو، د څانګو آمرینو، د پینل غړو او استادانو پکښي ګډون درلود او د قرآنکریم د څو مبارکو آیاتونو په تلاوت پیل سو.

یاد ورکشاپ د ښاغلي پوهاند شاه محمود بري او پوهنوال سلطان محمد سیرت له خوا، د لوړو زده کړو وزارت د لوایحو په نظر کي نیولو سره په دې موخه تر سره سو، چي د علمي پروګرامونو او معيارونو د تطبيق ارزونه ترسره، شته ستونزي په ګوته او د کار بازار د غوښتنو سره سم ټول علمي پروګرامونه اعیار او د تطبیق وړ وګرځي.

په دې ورکشاپ کي د علمي برنامو دوره یي بیا کتني پېژندنه، د علمي او اکاډمیکو پروګرامونو بیا کتني ډولونه، د کلنۍ بیا کتني (APM) پېژندنه او فارمټ، د دوره یي بیا کتني (PPR) پېژندنه، د تطبیق وخت، موخي، ښکیلې خواوي، د ایجاد، تعلیق، ادغام او لغوې شرایط، د علمي او اکاډمیکو پروګرامونو مهالنۍ بیا کتني لپاره اړین اسناد او شواهد، عملیاتي پلان، غوښتني او د (PPR) راپور فارمټ په اړه له ګډونوالو سره مفصل معلومات شریک سول.

په پای کي د ګډونوالو پوښتنو ته مفصل ځوابونه ورکول سول، د علمي برنامو د بیا کتني د پروسې اړوند څرګندوني، وړاندیزونه او عملي نظریات تبادله سول او ورکشاپ د دعا په ویلو سره پای ته ورسېد.

۱۴۰۵/۰۴/۰۱

د نشراتو او عامه اړيکو آمریت