په اناسټو پوهنتون کي د ساري ناروغیو، حفظ الصحې او لومړنۍ مرستي په اړه د عامه پوهاوي سمينار وړاندي سو

admin@anastu
دوشنبه ۱۴۰۵/۷/۱۳ - ۱۱:۴۳
حفظ الصحه

افغانستان د کرنیزو علومو او ټکنالوژۍ ملي پوهنتون (اناسټو) د کارکوونکو چارو آمریت اړوند د ارتقاء ظرفیت او اجرااتو ارزونې عمومي مدیریت او د داخلي اړیکو آمریت په مرسته، د عامې روغتیا ریاست سره په همغږۍ، د ساري ناروغیو، حفظ الصحې او لومړنۍ مرستې په اړه د عامه پوهاوي اغېزمن سیمینار ترسره سو.
په دې سیمینار کې د پوهنتون یو شمېر مسؤلینو، اداري کارکوونکو، استادانو او محصلینو ګډون کړی و. غونډه د قرآن کریم د مبارکو آیتونو په تلاوت سره پیل سوه.
د عامې روغتیا ریاست استازي د ساري ناروغیو د لېږد د لارو، د مخنیوي تدابیرو، شخصي او چاپېریالي حفظ الصحې، د پاکو اوبو او روغتیايي خوړو د استعمال، د لاسونو د منظم پرېمنځلو او د چاپېریال د پاک ساتلو په اړه ګډونوالو ته لازم او ګټور معلومات وړاندې کړل.
همدارنګه د ټپونو، وینې بهېدنې، سوځېدو، بې‌هوښۍ او نورو بېړنیو حالاتو پر مهال د لومړنۍ مرستې د ترسره کولو او د ناروغ یا ټپي کس د خوندي انتقال په اړه عملي او اړین معلومات وړاندې سول.
د سیمینار په پای کې د ګډونوالو پوښتنو ته ځوابونه ورکړل سول او ټینګار وسو چې د روغتیايي سپارښتنو مراعات، د حفظ الصحې رعایت او د لومړنۍ مرستې په اړه لازم پوهاوی د سالمې ټولنې او روغ کاري چاپېریال په رامنځته کولو کې مهم رول لري.
غونډه د پوهنتون د ټولو کارکوونکو او محصلینو د روغتیا، سلامتیا او لا ښه خدمت په موخه په دعا سره پای ته ورسېده.
د نشراتو،او عامه اړیکو آمریت
۱۴۰۵/۷/۱۳

تازه خبرونه

تازه خبرونه

یکشنبه ۱۴۰۵/۷/۱۹ - ۱۴:۱۸
Background image

اناسټو پوهنتون کښي د محصلانو د ظرفیت لوړوني په موخه د انګلیسي ژبي کورس پیل سو.

د افغانستان د کرنیزو علومو او ټکنالوژۍ ملي پوهنتون (اناسټو) کښي د محصلانو د علمي او مسلکي ظرفیت لوړوني په موخه، د شنبې په ورځ، د ۱۴۰۵ هـ.ش کال د تلي میاشتې پر ۱۸مه، د انګلیسي ژبي کورس. . .

شنبه ۱۴۰۵/۷/۱۸ - ۱۴:۷
Background image

اناسټو پوهنتون کې د رواني ستونزو د حل لارو او مشورې ورکولو مهارتونو په اړه سمینار وړاندې سو

د افغانستان د کرنیزو علومو او ټکنالوژۍ ملي پوهنتون (اناسټو) محصلانو ته د «رواني ستونزو د حل لاري او د مشورې ورکولو مهارتونه» تر سرلیک لاندې سمینار د ۱۴۰۵ هـ.ش کال د تلي میاشتي پر ۱۶مه،. . .

دوشنبه ۱۴۰۵/۷/۱۳ - ۱۱:۴۳
Background image

په اناسټو پوهنتون کي د ساري ناروغیو، حفظ الصحې او لومړنۍ مرستي په اړه د عامه پوهاوي سمينار وړاندي سو

افغانستان د کرنیزو علومو او ټکنالوژۍ ملي پوهنتون (اناسټو) د کارکوونکو چارو آمریت اړوند د ارتقاء ظرفیت او اجرااتو ارزونې عمومي مدیریت او د داخلي اړیکو آمریت په مرسته، د عامې روغتیا ریاست. . .

BACK TO NEWS