د اناسټو پوهنتون د روان کال د دوهم سميستر د نهايي ازموينو بهير پیل سو
د افغانستان د کرنیزو علومو او ټکنالوژۍ ملي پوهنتون (اناسټو) کي د تدريسي بهير د پای ته رسېدو او د آزمويني کمېټې د پرېکړي سره سم، د اناسټو پوهنتون د ۱۴۰۵ ل. کال د دوهم سميستر نهايي ازمويني نن دوشنبه چي د غبرګولي مياشتي ۱۸ مه نېټه ده، پيل سوې، چي پر مهال يې د اناسټو پوهنتون محترم رئيس مولوي شبیر احمد "عباس" صاحب د يادو آزموينو د ټولو صحنو څخه د شفافیت، نظم او د محصلینو د تیاري کچي ارزولو په موخه لیدنه وکړه او د آزموینو بهير يې له نږدې وڅاره.
يادي آزمويني به د لوړو زده کړو د هدایت او طرحي سره سم او د اناسټو پوهنتون د آزمويني کمېټې د پلان مطابق څلور اونۍ دوام وکړي او د پوهنتون د رهبرۍ له لوري به د دقت او شفافیت په موخه وخت په وخت وڅارل سي.
۱۴۰۵/۰۳/۱۸
د اطلاعاتو، نشراتو او عامه اړيکو آمریت
