د کندهار ولایت د امارتي او خصوصي پوهنتونو د دعوت او ارشاد له آمرانو سره د همږغۍ ناسته وسوه
د افغانستان د کرنيزو علومو او ټکنالوژۍ ملي پوهنتون د دعوت او ارشاد آمر مـولوي سلیم سليم صاحب په مشري، د اناسټو پوهنتون د غونډو په تالار کي د کندهار ولایت د امارتي او خصوصي (کندهار پوهنتون، ابراهیم النخعي تخصصاتو جامعه، ملالۍ، سبا، میرویس نیکه، لمر او بېنوا) پوهنتونو د دعوت او ارشاد آمريت له آمرانو سره د همږغۍ ناسته وسوه.
د ناستي پېل د قرآن کریم د څو مبارکو آیاتو په تلاوتولو وسو؛ وروسته د اناسټو پوهنتون دعوت او ارشاد آمر مـولوي محمد سلیم سلیم صاحب ټولو ګډونوالو ته ښه راغلاست ووایه او د دعوت او ارشاد اړوند په ځینو برخو کښي ئې یادو آمرانو ته سپارښتني وکړې؛ بيا ئې د یادو آمرانو راپورونه وکتل او له خپله اړخه ئې د هر راز همکاریو ډاډ وښود.
ښاغلي مولوي محمد سلیم صاحب په پوهنتونو کښي، د دعوت او ارشاد آمریت فعالیتونه خورا مهم یاد کړل او په دې برخه کښي ئې د چارو د ښه تنظیم، همږغۍ، د اسلامي اُصولو او د امر بالمعروف او نهي عنالمنکر په برخه کښي، د عالیقدر امیرالمؤمنین حفظه الله تعالى د فرمانو د ښه تطبیق، د کاري بهیر د لا چټکتیا او نور شفافیت غوښتنه وکړه.
په وروستیو کښي پر ځینو متفرقه مسایلو هم خبري وسوې؛ په اړه ئې لازمي پرېکړي وسوې او ناسته د دؤعا په کولو سره پای ته ورسېده.
۱۴۰۴/۸/۲۰
د اطلاعاتو، نشراتو او عامه اړيکو آمریت
