په اناسټو پوهنتون کې د علمي څیړنو په برخه کې د ظرفیت لوړاوي ورکشاپ دایر سو.

د شنبې په ورځ ۱۱/۱/۱۴۴۵ هـ ق نیټه د افغانستان د کرنیزو علومو او ټیکنالوژې ملي پوهنتون د مسلکي پراختیا مرکز او څیړنې امریت له لوري  یاد ورکشاپ په لاره اچول سوی وو، چي موخه یې د څیړنې په برخه کې د ظرفیت لوړول او د څیړنې کلتور ته وده ورکول وه، چې پکښې د مسلکي پراختیا مرکز او د څیړنیز مرکز آمرینو، استادانو او محصلانو ګډون درلود.
پروګرام د قرآن عظیم الشان په تلاوت سره پیل سو، ورپسي د څیړنې د اهمیت په اړه ویناوالو څرګندوني وکړي. 
پوهاند سید محمد کبیر آغا مین د پریزنټیشن له لارې د څیړنې، د څیړنې اخلاقو، اصولو، میتودولوژې، دڅیړنې ډولونه او یو شمیر نورو اړوند موضوعاتو په اړه ګډونوالو ته هراړخیز معلومات وړاندي کړه او پوښتنو ته یې جوابونه وویل.
پروګرام د دوعا په ویلو سره پای ته ورسیدی.
د نشراتو امریت
۱۱/۱/۱۴۴۵
۷/۵/۱۴۰۲