د اناسټو پوهنتون د محصلانو چارو معاونیت له لوري د HEMIS سیستم د زده کړې په اړه ورکشاپ دائر شو.
د دوشنبې په ورځ ۶/۱/۱۴۴۵ هـ ق نیټه د افغانستان د کرنیزو علومو او ټکنالوژې ملي پوهنتون د محصلانو چارو معاونیت له لوري د HEMIS معلوماتي سیستم د زده کړې په اړه یو ورځنی پروګرام دایر سو، چې موخه یې د یاد سیستم سره د ذیدخلو اشخاص بلد تیاوه. په یاد ورکشاپ کې علمي مرستیال او سرپرست رئیس پوهنیار ثناء الله ارغستاني، د مالي او اداري چارو مرستیال انجنیر عبدالعزیز اماني، د اړیکو او انسجام مرستیال پوهنیار فرید احمد ولي، د پوهنځیو رئیسانو، د څانګو امرینو، استادانو او تدریسي مدیرانوګډون درلود.
پروګرام د قرآن عظیم الشان په تلاوت سره پیل سوه، وروسته سرپرست رئیس پوهنیار ثناء الله ارغستاني د پرانیستې وینا پرمهال د پروګرام ګډونوالوته ښه راغلاست ووایه او د اجنډا سره سم HEMIS اهمیت په اړه لنډه وینا وکړه او یاد سیستم یې په ورځنیو چارو کې د هوساینې په معنا یادکړ، او همدارنګه یې د چارو د ښه تنظیم او همږغي کولو په موخه د ځینو موضوعاتو او اوصولو د تطبیق په اړه غوښتنه وکړه. ورپسې د محصلانو چارو مرستیال پوهنمل محمد نعیم عزیزي یاد سیستم د پریزنټیشن او په عملي تورسره د پروګرام ګډون والو ته تشریح کړ، لکه د محصلانو الکترونیکي ثبت نام، د محصلانو او استادانو دقیقو ارقامو او احصایې ته لاسرسې، د تبدیلي، تأجیل، منفکي او بیا شمولیت اړوند چارې، د اسنادو د طی مراحلو فورمونو جوړول، د سمستر وار او د فارغانو نتایجو ترتیب، د درسي کریکولمونو ثبت او نور همدارنګه یادونه وکړه، چې د لوړو زده کړو وزارت د هدایت مطابق باید د محصلانو، استادانو، کریکولم او د پوهنتون د اړوندو نورو برخو ټول مواد په سافټ بڼه د HEMIS په انلاین سیستم کې ځای پر ځای شي.
د پروګرام په اخره کې اړوند مسؤلینو ژمنه وکړه، چې په یاد سیستم کې به کار کوي تر څو تر دې وروسته د امکان ترحده د پوهنتون اړوند چارې د سیستم له لارې اجرا شي.
