د کیفیت لوړاوي کمېټې (۳مه) ګڼه پروتوکول نوبتي غونډه تر سره سوه.

د افغانستان د کرنيزو علومو او ټکنالوژۍ ملي پوهنتون کي د کیفیت لوړاوي کمېټې (۳مه) ګڼه پروتوکول نوبتي غونډه د پوهنتون د علمي مرستیال پوهنمل محبوب الله "احمدي" په مشرۍ، د کیفیت د لوړاوي آمريت د غونډو په تالار کي ترسره سوه، چي پر مهال یې د شورا ټول غړي حاضر وه او د قرآنکريم د څو مبارکو آیاتونو په تلاوت پيل سوه.
په پیل کي محترم احمدي صاحب ګډونوالو ته ښه راغلاست ووایه او د مقدماتي وینا تر څنګ یې د تېرو کړنو د تعقیب لنډ راپور وړاندي کړ. هغه څرګنده کړه چي د علمي برنامو د دوره‌يي بیاکتني پینل د علمي شورا له لوري تایید سوی، د کیفیت لوړاوي ټولي اصلي او فرعي کمېټې ارزول سوي دي، او د پاته چارو او اسنادو د تکمیل په موخه اړوندو معاونیتونو او پوهنځیو ته رسمي خبرتیاوي استول سوي دي.
وروسته د علمي برنامو د کلنۍ څارني د پروسې د پیل په اړه بحث تر سره سو. څرګنده سوه چي د کلنۍ څارني پلان د ټولو پوهنځیو سره له مخکي شریک سوی دی او ټینګار وسو چي مسؤلین باید یاده پروسه د پلان مطابق پیل او د ټاکلي نېټې سره سم یې بشپړه کړي. همدارنګه د اصلي او فرعي کمېټو د ارزونو تحلیل وړاندي سو، چي پکښي د ځانګړي هيئت له لوري د ارزوني راپور د ګډونوالو سره شریک سو. پرېکړه وسوه چي د دغو ارزونو پایلي دي د اړوندو پوهنځیو او کمېټو سره شریکي سي، څو د ضعف د نقاطو په اصلاح کي جدي پاملرنه وسي. دغه راز د دوهمي مرحلې لپاره د پاته اسنادو د سپارلو په اړه بحث وسو او ګډونوالو ته لازمي سپارښتني وسوې، ټينګار وسو چي په دې برخه کي باید جدي او پر وخت اقدامات تر سره سي.
په پای کي د اجنډا مطابق پر يو لړ متفرقه مسایلو بحث تر سره سو، د ګډونوالو وړاندیزونه او نظریات واورېدل سوه او اړونده موضوعاتو په هکله لازمي پرېکړي او سپارښتني وسوي او د دعا په ویلو سره غونډه پای ته ورسېده.
۱۴۰۵/۰۳/۲۴
د اطلاعاتو، نشراتو او عامه اړيکو آمریت